ອ່າງນ້ຳງື່ມ 2 ເປັນອ່າງເກັບນໍ້າສໍາລັບຜະລິດພະລັງານໄຟຟ້ານໍ້າຕົກ ເພື່ອຮັບໃຊ້ພາຍໃນ ແລະ ສົ່ງອອກຂາຍໃຫ້ແກ່ຕ່າງປະເທດ ຕາມແນວທາງນະໂຍບາຍຂອງພັກ-ລັດ ເພື່ອພັດທະນາປະເທດລາວໃຫ້ກາຍເປັນແບດຕາລີຂອງອາຊຽນ. ອ່າງນ້ຳງື່ມ 2 ເປັນອ່າງເກັບນໍ້າທີ່ກວ້າງໃຫຍ່ໄພສານແນມເບີ່ງສຸດສາຍຕາ ເຊິ່ງຄົນລາວເຮົາມັກຂະໜານນາມວ່າ “ທະເລລາວ’’, ນອກຈາກ ຂະເປັນອ່າງເກັບນ້ໍາສໍາລັບຜະລິດພະລັງານໄຟຟ້າ ແລະ ຮັບໃຊ້ວຽກງານກະສິກຳແລ້ວ ອ່າງນ້ຳງື່ມ 2 ຍັງເປັນສະຖານທີ່ທ່ອງທ່ຽວທີ່ສຳຄັນຂອງແຂວງໄຊສົມບູນ ທີ່ນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ຄວາມສົນໃຈເຂົ້າໄປທ່ຽວຊົມ. ເປັນສະຖານທີ່ພັກຜ່ອນຢ່ອນອາລົມຊົມບັນຍາກາດທີ່ເຢັນສະບາຍ, ເພີດເພີນກັບການຂີ່ເຮືອທ່ຽວຊົມຄວາມອຸ ດົມສົມບູນຂອງທຳມະຊາດ, ຊົມເກາະດອນຕ່າງໆ, ເຮັດກິດຈະກຳໃນການສິດເບັດ ແລະ ກິນເຂົ້າປ່າສາ ມັກຄີຢ່າງມ່ວນຊື່ນ.

ອ່າງນໍ້າງື່ມ 2 ຕັ້ງຢູ່ບ້ານນາຕູ້ເກົ່າ ຫ່າງຈາກເທດສະບານເມືອງອະນຸວົງ ໄປທາງທິດຕາເວັນຕົກປະມານ 36 ກິໂລແມັດ, ສາມາດເດີນທາງເຂົ້າຫາແຫລ່ງທ່ອງທ່ຽວອ່າງນໍ້າງື່ມ 2 ດ້ວຍລົດໂຕໂຢຕ໋າ,ລົດຕຸ ແລະ ລົດຈັກ ຈາກສອງເສັ້ນທາງຄື:

1. ເສັ້ນທາງທີ່ 1 ເຂົ້າທາງແບ່ງຫ້ວຍໝໍ້ ເມືອງວັງວຽງ ແຂວງວຽງຈັນ ໄປທາງທ່າເຮືອບ້ານຫລັກ 24;

2. ເສັ້ນທາງທີ 2 ເຂົ້າທາງແບ່ງບ້ານນ້ຳຍອນ ຫາ ທ່າເຮືອບ້ານນາຕູ້ ກໍ​ເຖິງ​ສະຖານ​ທີ່​ດັ່ງ​ກ່າວ.